CENTRE HMALAK ZEL DAN TUR.

Keini Chanchintha Puangtu Team te hian Myanmar ram chhunga ruihhlo avanga harsat tawk mek te, nu leh pa, chhungkaw tana buaithlak tak tak a ni emaw, mi bei dawngte leh kal ngaihna hre lo ten kalna kawng Krista an hriata an nunpui theih nan te, beidawnna ata beiseina Krista an neih theih nan,chhungkuaah Krista avanga mi tangkai an nuh theihna tur atan te leh Krista avanga ruihhlo ata chhuah zalen an nih theihna tur atan Pathian thua in enkawlna hmun Centre or Home kan buatsaih a ni. A hmun turah hian Hmuntha, Myanmar-ah hmun miten min hman tirah a ni, chutah chuan theih tawp chhuahin, keimahni sum neih ang ang leh mi tha hnem ngaite min pek khawm hmangin hmalakna neih mek a ni a, chenna tur in kan sa mek a ni.Tunah hian hmalakna tur tam tak hmabak kan nei mek a, chutih mek laiin Myanmar ram buaiin min han nang ta si a, hmabak a la ko bawk nen, a hmun lamah mi han beisei ngam kan neih loh avangin Mizoram lamah kan han haw thla leh a ni. Mizoram lamah min pui thei leh kan rawngbawlna min tuipui theitu tur ngaihtuah turin kan ngaihtuahnate kan hman mek laiin, covid '19 hri avangin engmah kan ti leh thei ta lo a ni. Hun thawl leh boruak a zirin hmalakna tura kan hma chhawpte Pathian rawn chung zela kalpui kan tum a ni. Myanmar lam boruak a zia deuh chuan mi eng emaw zat chu chho leh turin kan in buatsaih bawk a ni.