Beiseina

Beiseina han tih hian sawi tur a tam khawp mai, tun tum chu heti lam zawng hian kan sawi ten ang. Beiseina hi Krista neitu ten kan neih a ni a, hun harsa tak leh khirh tak karah pawh nise, Krista neitu chuan kan la chan tur ram beiseiin kan nun kan hmang thin. Lungaihna te, rilru hah leh mangan lai pawn Krista neitu chuan in nghahna nghet a nei a, chu chu a nghing ve ngai lovin, beiseina duhawm tak chuan chung harsatna chu a rawn su kiang leh thin a ni. Ka lungngai a, mahse, lungngaihna atan beiseinain min ti hlim leh thin. Tah chang awm mahse, beiseina chuan min ti nui leh mai bawk a ni. A nihna takah chuan mihringin harsatna kan tawh hi keimahni siam a tam em em a, lo thleng ve reng pawh a awm ve thin. Engpawh nise, beiseina nung Krista hi engkimah engkim a ni. Beiseina hi Pathian lam thil a ni a, beidawnna hi Setan lam a ni. Beidawnna ata beiseina nungah Krista-in min awm tir tawh a, beidawng maia hnual tur kan ni lo. Beiseinain engkim kan nei a, chu chu rinna avanga kan chan a ni. Rinna chu thil awm ngei mai changtu kan nih avanga kan neih a ni bawk.

KOHHRAN

THU HMA A tawng bul leh lo chhuah dan chu tunah hian sawi ka tum lova, Kohhran nihna Pathian thu atanga ka hmun dan ka sawi mai dawn a ni. Tawng tial lam pawh rawn dah ka tum hran lo a ni. Chiang zawkin rawn tih leh ka tum dawn nia. KOHHRAN Kohhran chu kan Lalpan sual ata a koh chhuah emaw, a koh hran te awm khawmna reng reng chu kohhran tia kan Bible in a sawi chu a ni. Chuvangin kohhran kan tih Presbetarian, Methodist, salvation, Baptish etc a tam mai, chauh ah hian dah mai a awl khap mai. Kohhran chu Krista hminga pahnih emaw, pathum emaw pawh nise, an awm khawm phawt chuan kan Lalpa chuan ka awm ve zel ang a ti a ni. Chuvangin Krista avanga mi tlem te awmkhawm pawh kohhran an ni mai. Tin, Petera hnenah Isuan"Tin, nang Petera i ni tih ka hrilh bawk a che; he lungpui chungah hian ka kohhranho ka rem chho ang a, Mitthi Khaw kulh kawngkharte chuan chu chu an ngam lo vang". Matthew 16:18 Hei hi pawl emaw lam ni lovin, Sual ata a koh chhuah a nun nei tawh te a sawina a ni a, Chu nun chang tawh a, Krista-a awm tlatte chu thihna khaw kulh kawngkhar pawhin a ngam dawn lo a ni tih a chiang hle mai. Isua hian amahah kohhran a din a, chu kohhran chu keimahni hi kan ni. A nun neia Amaha awm tlat te chauh hi a ni. a kohhran din chu. A mal emaw mal lo emaw, lam ni lovin Krista a nunna chang tawh, nunpuitu leh Krista-a awm tlat te hi a kohhranho chu kan ni mai. Pawl ang leh awm khawm sathliah lam a ni lova, A hming avanga thlarau bote, mi nuntuihalte Krista-ah nun tak an neih a, a hnen hruai thlenna tura a nun nei tawhte hmalakna turah thawk hote hi kan Lalpan kohhran a rem khawm/ din chu a ni. Chuvangin Kohhran awmzia sawi dawn a, pehhel kual duah hi ngai ah ka dah lova,tul pawh ka ti hran lo. TLIPNA Kohhran chu Krista nun neitute inkhawmna hmun ni lovin, a kalkhawma te kha kohhran chu an ni mai. Chuvangin he leiah kan la awm a, pawl anga awm hming hran hran kan in vuah hi chu sipai batalion in then anga ka ngai mai. A pawl hming lam ni lovin, Kristaa nung tawhte awmkhawm or kalkhawm kha kohhran chu a ni.

VAN THUMNA

2 Korinth 12:1-4 Vân ram chu khawiah nge a awm? Pathian hnênah a awm a, Pathian pawh chu Vânramah a awm a ni. Then hran chi a ni lo. Mihring te tsn hisn ram pakhat chauh min buatsaihsak a, chu chu Isua a ni. Vânram chu Pathian ram tih te, antam chi ang tein min tehkhinsak a, Baptish-tu Johana chuan Vânram chu Isua a nih zia a rawn tar lang bawk a ni. Isua tel lovin Vânram a awm lo. Kan inzirtir dânah chuan kan tih that chuan Vânram kai a, tih thatloh chuanchuan meidil tla tûrin kan inzirtir thin. Isua tel lovin Vânram a awm si lo. Keimahni lama thil tih vâng ni lovin, Isua avângin a ni Vânram chu a lo awm zâwk a ni. Vân hnihna hi muhilte tih te, Thlana awm te, Paradis te tia sawi a ni. Isua chu nunna thlan a ni. Isua hnêna chawlhte sawina a ni. Thihna thlana awm te chu ramhuai kutah an awm bawk. Van khatna chu Isua kan hnênah a awm Van hnihna chu Isua hnênah kal hmasate an chawl. Van thumnaah erawh tumah an la awm lo. Van thumnaah la ni lovin, van khatnaah hian Lalpan thuthmun a rawn rem zâwk a ni.

TUNLAI HRI LEH KAN RAWNGBAWLNA

   Tunlai hripui leng mêk Corona Virus (Covid 19) chuan khawvêl a fang chhuakin, ram hausa leh thil tithei pawn tih ngaihna vak an hriat loh leh a damdawi pawh an la hmuchhuah mai loh chuan min chim ve mêk a ni.
    He covid 19 kan hlauh leh ṭih êm êm mai leng vel karah hian keini Chanchin Ṭha Puangtu Team te chuan ruihhlo ngaite leh zu avânga harsatna tawk mêk te, rilru lama harsatna tawk mêk te Krista hnena hruai luh hna thawk mêkin, chungte awm khawmna tûr Centre hi Hmunṭha, Myanmar lamah buatsaihin hma kan la mêk a ni.
  Mihring lam aṭanga ngaihtuah chuan at thlak leh a hun lo mang e tih a awl hle mai. Keimahni ah pawh he zawhna hi a lian ve viau a nia, chutih mêk laiin Pathian rem min han ruatsak zêl hi a mak a, rem min tih sakin rem min ruatsak ṭhin a ni.
    Hetiang hian he rawngbawlna hi a hun leh hun lo pawh a ngaihtuah thei lova, Pathian remruatna anga kal mai hi kan awm dân a ni. Tunah hian Tuikhamphei lamah mau pum 500 vel kan sat a, kan mau sahsa chu dapah chik lehin hun kan hmang mêk a ni. Tuna kan hmalak mêk hi insa huna a bang tûr a ni.
 Pic hi kan awmna hmun tûr a ni.

HMUNTHA LAMAH HMUN KAN EN

   Hmuntha lamah Centre hmun tûr kan va en a, a hmun a lo rem tha khawp mai a, Pathianin Pu Thlenga te nupa kal tlanga hmun min lo buatsaihsak hi a ropui kan tiin an chungah kan lawm hle a ni.
 Hetianga mi thil phal Pathian mi an lo awm zel mai hi keini ruihhlo avânga harsatna nei Krista a damna changten rawngbawlna kan lo nei phal thei a, a ropuiin rawngbawlna kawng min hawnsak tute kan ti lo thei lo a ni.
    A hmun luah tûr hian hmalakna tûr tam tak a awm a, hmalak nghal zel a ni. A hmun luah thuai thuai a nghahhlel awm hle.

RAWNGBAWLNA

      Kan Pathian hian mi ṭha leh mi fel chauh ah ni lovin, keini ruihhlo avânga harsatna tawk ṭhin leh tawk mek te, natna khirh tak nei mek leh mi chak lo tak ni mahila, a khawngaih rawngbawl hna thawk tûr hian min iai si lo. 

  Amah avângin Ama rawngbawl theiin kan awm si a, chak lo leh bawrsâwm tak nimahila, a rawngbawlna kâwng min hawnsakin min phal sak si a, Amân engkimah kan chak lohna leh kan bawrsâwmnaah kan ai min lo awhsak vêk ṭhîn a ni. 

     Mahse, Aman min iai lova, kan ai min awhsak vek lai hian keimahni lamah chhuanlam tûr kan siam ṭhîn a, kan siam loh harsatna pawh hian min rawn chim bawk ṭhîn. Pathian khawngaihna ka chan hi kan tân a nih rualin midangte malsawm ve zêlna tûr a ni tih hriatfiah a va pawimawh êm. 

     Sual lak ata min ko hrangtu chuan, sual laka tâng mêkte leh thlarau bote  a hminga chhanchhuak tûr hian min tîr a ni. Min tirhnaah chuan ka kal ang, Ti theitu nih a  pawimawh hle mai.

    Kan hnênah Thlarau Thianghlim Krista nunna rawn thleng hi he taksa kal tlang ngei hian kan chetchhuah a ngai a ni. Pathian remruat nge a nih leh nih loh min ngaihtuah tir ṭhîntu hi a tu hi nge ni ang. Sualin min beihna hmanrua a ni tih ka fiah ta uar mai.

      A rawngbawl tûr hian kan Pathian hian a Fapa nun min pe a, chu chu chet chhuahpui mai tur kan ni. A nih leh i hnêna Krista nun lo thleng chu engti zawngin nge i chet chhuahpui dawn. Kei zawng Krista avângin thlarau bo mêk te leh sal tâng mêk te chhanchhuak tûrin, Krista avângin engkim tuar huamin ke pen tûrin Lalpa lamah ka kâ ka ang ta.    

     Kan hnêna awm kum khua tûrin min tiam a ni. A tâna nun kan hman theih nan.

       Lalpan a thu kan za atân mal mi sawm rawh se.

 Amen.